Խնձորի օգտակար հատկությունները. tert.am

Խնձորը կարող է բավականին օգտակար լինել որոշ հիվանդությունների բուժման ժամանակ: Հայտնի ժողովրդական բժիշկներ խորհուրդ են տալիս խնձորը ներառել առօրյա սննդակարգում:

Ինչպես գրում է tophealthylife.com-ը` նրանք մի շարք բաղադրատոմսեր են առաջարկում խնձորի օգտակար հատկություններից առավելագույն օգտնվելու համար: Նրանց խոսքով` խնձորի օգտագործումը պարտադիր է, քանի որ նրա սննդային արժեքն ու օգտակար հատկություններն այն կարևոր են դարձնում, ինչպես սնունդը կամ դեղորայքը:

1.  Խնձորի սիդր (խնձորի օղի). օգտակար է անքնության, գլխացավի, ջերմության դեմ: Այս խնդիրների դեպքում այն պետք է օգտագործել 3-4 օր` օրական երկու անգամ` առավոտյան և կեսօրին:  Սիդր պատրաստելու համար անհրաժեշտ է հասած խնձորներ կտրատել բարակ շերտերի և չորացնել: Այնուհետև աղալ և վերածել փոշու: Ստացված փոշուց ըմպելիքը պատրաստելու համար պետք է խառնել ջրում, և սիդրը պատրաստ կլինի:

2.  Խնձորի հյութին շաքար և համեմունքներ ավելացրել: Ստացված խառնուրդից ըմպել մեկ թեյի գդալից, օրական երեք անգամ` թեթևացնելու հազն ու կրծքավանդակի ցավը:

3. Խնձորի սիդրը, հատկապես տնային պայմաններում  պատրաստվածը, որը զուրկ է ալկոհոլից,  խորհուրդ է տրվում ըմպել ամբողջ ձմռան ընթացքում: Այն բուժում է բազմաթիվ արտաքին և ներքին բորբոքումներ, մաքրում է արյունը:

Հարցեր, պատասխաններ, մեկնաբանություններ